غنواية للمطر
يا مطرة مطري
واجيبلك عيش طري
تتغدى وتفطري
...
يا مطرة مطري .. اجرى واتبعتري
على خدود الحلوين
امسكي دفتري .. وافتحي صفحتين
ارسمي وسطري .. على قلبي ضحكتين
لوعايزة تكتري .. زودي غنوتين
أو عطر وردتين
اية يعني قليلين
قليلك .. أكتري
و يا فرحة انطـري .. لمعتك في الجهات
ذاكري واتشطري .. علميني الحـاجــات
هندسـي و دكـتري .. وغني بكـل اللغـات
لـو عايزة تكتـري .. لوني لي الساعــات
قطعي أستيكـات
الحيرة والسكات
واليأس المفتري
...
يا مطرة مطري
واجيبلك عيش طري
تتغدى وتفطري
يا مطرة مطري
مرسلة بواسطة مصطفى السيد سمير في
٩:١٨ م
4 تعليقات:
المقدمة من غنوة شهيرة لدرجة اني مش عارف بتاعت مين
حلوة قوي يا مصطفى
امسكي دفتري .. وافتحي صفحتين
ارسمي وسطري .. على قلبي ضحكتين
لوعايزة تكتري .. زودي غنوتين
أو عطر وردتين
اية يعني قليلين
قليلك .. أكتري
تعجبني دائما كتاباتك..:)
حلوة قوي قوي قوي
مبطلتش ضحك وابتسام وانا بقراها
ربنا يبارك لك يا دكتور
كما ادخلت البهجة لقلبي
إرسال تعليق
الاشتراك في تعليقات الرسالة [Atom]
<< الصفحة الرئيسية